Wednesday

وحدة

من عشرين سنة وأنا وحيد
منأوّل ما تركت و سافرت
عندي أصدقاء كتير هون
عرب و كل الجنسيات
بدي أعمل فرع للأمم المتحدة لحالي
تجوّزت وطلّقت
ورجعت خطبت وفسخت
بس شعور الوحدة مافارقني
حتى لو كنت بغرفة مليانة
أو حفلة
الوحدة بتضل واقفة بوشّي
الغربة صارت وطني
والأمل رفيقي الدائم
انزلت عالبلد
بالمطار عطيتن جوازي الأميركي
ختمو وزورني وأشّرلي إنو فوت
فقت الصبح، ريحة الدخان و زمامير السيارات
الكهربا مقطوعة وميّة الحمّام عم تنزل بالقطرة
غريبة، لسّا حاسس بالوحدة
أخدت أهلي عالمطعم، لطشوني بالفاتورة
مبيّن علييّ غريب
ووحيد
طلعتلي الوحدة عم تتمهزأ
فكرك هربت منّي؟
وراك و الزمن طويل
أهلك و رفقاتك يا أجدب معتبرينك غريب
عرفانين زيارتك قصيرة
ورجعتك إلي
خلصت إجازتي
وصلت عالمطار بأمريكا
ناولتها الجواز، تطلّعت عليّي وتبسّمت
وين كنت؟ بإجازة
باتمنّى تكون إنبسطت بإجازتك
تفضّل، welcome back home
لقيت الوحدة عم تستنّاني
حاملة لوحة عليها إسمي
طوّلتها، إشتقنالك

5 comments:

SyrianGavroche said...

مؤلمة جداً

:(

IronMask said...

على فكرة الغربة التي تتحدث عنها والتي تحملها معك في كل الاوقات هي حالة من اللاانتماء إلى اي مكان
انا عشت هذه الحالة وتعودت عليها ولم تعد تشكل لي مشكلة منذ زمن بعيد

كلامك عن استقبالهم لك في المطار ذكرني بأحد معارفي الذي عاد من امريكا بعد غياب دام فترة طويلة وقد واجهته بعض المشاكل الادارية في أوراقه واضطر لزيارة عدة مؤسسات ووزارات لأنهاء تلك المشاكل، ولما التقيته بعدها كان في حالة غضب شديد وحنق على ما مر به
ولكن اكثر ماكان يثير غضبه ان كل الموظفين الذين مرت المعاملة عليهم كان يبدأون كلامهم بتعاطفهم معه وأنه على حق ولكن المشكلـــــة ان القانون لايعرف ذلك،

وقال لي هل تعرف كيف يبادرك الموظف في امريكا عندما تدخل عليه، بكلمة "اهلا بك ياسيدي،كيف اساعدك؟ ماهي المشكلة التي لديك؟"

نعم انه يعرف انني أراجعه لأن لدي مشكلة وانه موظف هناك لكي يساعدني في حل المشكلة

ولكن هنا في سوريا كل الموظفين يعلنون ان المشكلة انهم غير قادرين على حل مشكلة ولكنهم كموظفين قادرين على التعاطف معك بالكلام

Abufares said...

الوحدة صعبة وخصوصاً وسط الناس. يلي بيتعرف عليها بحياتو ما بتفارقو

أنا سوري said...

هيك الدنيا يا ولاد الحلال. أهلا وسهلا فيكون. شكرا عالزيارة والتعليق

Unknown said...


Spot on with this write-up, I actually feel this website needs a great deal more attention. I'll probably be back again to read through more, thanks for the advice! capital one credit card login